Самарқанд вилояти ҳокимлиги w w w . s a m a r k a n d . u z

ОСОЙИШТА ҲАЁТИМИЗ ҲИМОЯЧИЛАРИ

ОСОЙИШТА ҲАЁТИМИЗ ҲИМОЯЧИЛАРИ

Самарқанд олий ҳарбий автомобиль қўмондонлик-муҳандислик билим юртида Ватан ҳимоячилари куни олдидан ўтказилган тадбирда ҳарбий қисм ва муассасалар, ҳарбий хизматчилар, билим юрти тингловчилари иштирок этди.

Тадбдирда вилоят ҳокими З.Мирзаев ва бошқалар ҳарбийлик касбининг жамият ҳаётида тутган ўрни ҳақида сўз юритдилар.

Таъкидланганидек, Ватан ҳимоячиларининг машаққатли, айни дамда шарафли меҳнатлари туфайли бугун юртимизда тинчлик-барқарорлик хукмрон. Халқ хўжалигининг барча соҳаларида ютуқлар қўлга киритилиб, ҳаётимиз фаровонлашиб бормоқда. Бунда албатта, мудофаа ва хавфсизлик тузилмалари сафи миллий кадрлар билан тўлдирилиб, ташкилий жиҳатдан мукаммал, замонавий қурол-яроғ ва техникага эга эканлиги муҳим омил бўлмоқда.

Хусусан, олти йўналишда офицер-мутахассислар тайёрлаётган Самарқанд олий ҳарбий автомобиль қўмондонлик-муҳандислик билим юрти ётоқхонаси, ўқув хоналари, спорт зали ва майдонларида тингловчилар учун барча зарур шароит яратилган. Асосийси, машғулотлар замонавий услубларда олиб борилмоқда.

Марказий ҳарбий округ қўмондони Ш.Дўсчонов Қуролли Кучларимизнинг жанговар қобилияти ва салоҳиятини мунтазам ошириб боришга доимий эътибор қаратилаётганини таъкидлаб, ҳарбий хизматчилар ва уларнинг оила аъзоларини ижтимоий ҳимоя қилиш, маиший шароитларини яхшилаш борасида амалга оширилаётган ишларга тўхталди.

Тадбир иштирокчилари ислоҳотлар моҳияти, бугунги геосиёсий вазият тўғрисидаги саволларига батафсил жавоб олдилар.

Хизмат давомида сафдошларига ўрнак бўлаётган бир гуруҳ ҳарбийларга ташаккурномалар топширилди.


Киритилган вақти: 10/01/2015 17:54.   Кўрилганлиги: 692
 
Материал манзили: https://samarkand.uz/press/events/osoyishta-hayotimiz-himoyachilari

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 15

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг