Ўзбекистон Республикаси Конституцияси қабул қилинганлигининг 26 йиллигига бағишлаб вилоят “Зарафшон” ва “Самаркандский вестник” газеталари соврини учун 18 ёшдан 60 ёшгача бўлган ҳаваскор шахматчилар ўртасида мусобақа ташкил этилмоқда.

Беллашувда иштирок этишни хоҳловчилар ўзлари яшаётган туман (шаҳар) жисмоний тарбия ва спорт бўлимларига ҳамда маҳалла фуқаролар йиғинларига мурожаат қилишлари мумкин.

Мусобақанинг туман-шаҳар босқичлари қуйидаги сана ва жойларда ўтказилади:

- 21-22 ноябрь кунлари Тойлоқ туман болалар-ўсмирлар спорт мактабида;

- 22 ноябрда Каттақўрғон шаҳридаги 2-умумий ўрта таълим мактабида;

- 23 ноябрда Ургут туман 1-сон болалар-ўсмирлар спорт мактабида, Паст Дарғом туманидаги 28, Нуробод тумани 2-умумий ўрта таълим мактабларида, Каттақўрғон туманидаги «Нуронийлар маскани»да;

- 23-24 ноябрь кунлари Иштихон туманидаги «Нуронийлар маскани»да;

- 24 ноябрда Оқдарё ва Қўшработ туман болалар-ўсмирлар спорт мактабларида, Жомбой ва Нарпай тумани «Нуронийлар маскани»да,

- 26-27 ноябрь кунлари Самарқанд шаҳридаги баркамол авлод болалар марказида, Пайариқ тумани «Нуронийлар маскани»да;

- 27 ноябрда Пахтачи туманидаги «Нуронийлар маскани»да;

- 29 ноябрда Самарқанд тумани 1-сон болалар-ўсмирлар спорт мактабида;

- 29-30 ноябрь кунлари Булунғур туманидаги Булунғур педагогика ва спорт коллежида бўлиб ўтади.

Мусобақанинг якуний вилоят босқичи 8 декабрь куни вилоят Матбуот уйи (Самарқанд шаҳри, Улуғ Турсунов кўчаси, 80-уй)да бўлиб ўтади.

Мусобақа доирасида Жаҳон ва Осиё чемпионати ғолиби, халқаро гроссмейстер Жавоҳир Синдоров иштирокида вилоятнинг ёш шахматчилари ва ҳаваскорлар учун маҳорат машғулоти (мастер-класс) ўтказилади.

Спортнинг тезкор шахмат тури бўйича эркаклар ва аёллар ўртасида Ўзбекистон Республикаси Конституцияси қабул қилинганлигининг 26 йиллигига бағишлаб вилоят “Зарафшон” ва “Самаркандский вестник” газеталари соврини учун ташкил этиладиган мусобақанинг туман (шаҳар)ларда ўтказиш

 ЖАДВАЛИ

Ҳокимлик ахборот хизмати.