Самарқанд вилояти ҳокимлиги w w w . s a m a r k a n d . u z

САЙЛОВ УЧАСТКАЛАРИ ИНОБАТГА ОЛИНДИ

САЙЛОВ УЧАСТКАЛАРИ ИНОБАТГА ОЛИНДИ

24 октябрь куни вилоят сайлов комиссиясининг навбатдаги йиғилиши ўтказилди.

Комиссия раиси А.Умаров бошқарган мажлисда Ўзбекистон Республикаси Олий Мажлиси Қонунчилик палатаси депутатлигига сайлов ўтказувчи округ сайлов комиссиялари томонидан тузилган сайлов участкаларининг вилоят Кенгашига сайлов ўтказувчи округларга ҳам хизмат қилиши ҳақидаги масала кўриб чиқилди.

“Ўзбекистон Республикаси Олий Мажлисига сайлов тўғрисида”ги қонунга биноан, вилоятимизда Олий Мажлис Қонунчилик палатасига сайлов ўтказувчи 14 та округ сайлов комиссиялари шу йилнинг 22 октябрига қадар ўз ҳудудлари миқёсида сайлов участкалари ташкил этиш ҳақида қарорлар қабул қилдилар. Мазкур қарорларга кўра, вилоятимиз бўйича 948 та сайлов участкалари тузилди.

Марказий сайлов комиссиясининг 2014 йил 11 сентябрдаги қарорига кўра, қонунда белгиланган тартибда тузиладиган сайлов участкалари ва участка сайлов комиссиялари Ўзбекистон Республикаси Олий Мажлиси Қонунчилик палатаси сайлови, халқ депутатлари вилоят, туман ва шаҳар Кенгашлари сайлови учун ягона ҳисобланади.

Шундан келиб чиқиб, вилоят сайлов комиссияси Олий Мажлис Қонунчилик палатасига сайлов ўтказувчи вилоятимиздаги 14 та округ сайлов комиссиялари томонидан тасдиқланган сайлов участкаларининг вилоят Кенгашига сайлов ўтказувчи округлар учун ҳам хизмат қилишини инобатга олиш тўғрисида қарор қабул қилди.

Шунингдек, йиғилишда вилоятдаги сайлов округлари ва сайлов участкалари жойлашган биноларнинг ҳолати, уларнинг жиҳозланиши каби масалалар юзасидан комиссия аъзоларининг ҳисоботлари тингланди.



Киритилган вақти: 26/10/2014 22:43.   Кўрилганлиги: 879
 
Материал манзили: https://samarkand.uz/elections2014/election_news/saylov-uchastkalari-inobatga-olindi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 13

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг