Самарқанд вилояти ҳокимлиги w w w . s a m a r k a n d . u z

ОКРУГ САЙЛОВ КОМИССИЯЛАРИ ТАРКИБИ ТАСДИҚЛАНДИ

ОКРУГ САЙЛОВ КОМИССИЯЛАРИ ТАРКИБИ ТАСДИҚЛАНДИ

10 октябрь куни вилоят сайлов комиссиясининг навбатдаги йиғилиши бўлиб ўтди.

Комиссия раиси А.Умаров бошқарган йиғилишда сиёсий партиялар вилоят Кенгашларининг халқ депутатлари вилоят Кенгашига бўладиган сайловда иштирок этишига рухсат бериш ҳамда халқ депутатлари вилоят Кенгашига сайлов ўтказувчи округ сайлов комиссияларини тузиш ва улар таркибини тасдиқлаш тўғрисидаги масалалар кўриб чиқилди.

«Халқ депутатлари вилоят, туман ва шаҳар Кенгашларига сайлов тўғрисида»ги Қонуннинг 21-моддасига биноан сиёсий партияларнинг вилоят ташкилотлари сайловда иштирок этишга рухсат сўраб вилоят сайлов комиссиясига мурожаат қилган эди.

Комиссия партиялар томонидан тақдим этилган ҳужжатларни ўрганиб чиқиб, аризалар келиб тушиши навбатига қараб Ўзбекистон “Адолат” социал-демократик партияси вилоят Кенгаши, тадбиркорлар ва ишбилармонлар ҳаракати - Ўзбекистон либерал-демократик партияси вилоят Кенгаши, Ўзбекистон Миллий тикланиш демократик партияси вилоят Кенгаши, Ўзбекистон Халқ демократик партияси вилоят Кенгашига сайловда иштирок этишига рухсат бериш тўғрисида қарор қабул қилди.

Юқорида номи қайд этилган қонуннинг 12-моддасига кўра, округ сайлов комиссиялари тегишли вилоят, туман, шаҳар сайлов комиссияси томонидан сайловга камида етмиш кун қолганида комиссиянинг раиси, раис ўринбосари, котиби ва олти-саккиз нафар бошқа аъзосидан иборат таркибда тузилади.

Шундан келиб чиқиб, вилоят сайлов комиссияси халқ депутатлари туман ва шаҳар Кенгашлари томонидан округ сайлов комиссиялари аъзолигига кўрсатилган номзодларни ўрганиб чиқиб, олтмишта округ бўйича сайлов комиссияларини тузиш ва улар таркибини тасдиқлаш ҳамда комиссиялар таркибини матбуотда эълон қилиш тўғрисида қарор қабул қилди.

Йиғилишда комиссия ваколатига кирувчи бошқа масалалар кўриб чиқилди.

Сайловларни ёритиш бўйича вилоят матбуот маркази.


Киритилган вақти: 13/10/2014 22:41.   Кўрилганлиги: 1001
 
Материал манзили: https://samarkand.uz/elections2014/election_news/okrug-saylov-komissiyalari-tarkibi-tasdiqlandi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 6

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг