Бош саҳифа / Вилоят ҳақида / Факт ва рақамлар
  Чоп этиш версияси  

Факт ва рақамлар

2016 ЙИЛНИНГ ЭНГ ЭСДА ҚОЛАРЛИ ВОҚЕА ВА ҲОДИСАЛАРИ

ЯНВАРЬ

1 январь – Булунғур туманидаги «Янги беш» каналининг 1 500 метри бетонлаштирилди. Ушбу канал 2600 гектардан ортиқ майдонга сув етказиб беради.

Тайлоқ туманининг «Қўшчинор» газетаси таҳририяти янги бинога эга бўлди.

– Самарқанд шаҳрининг “Самарқанд” газетаси А-2 форматда ҳафтада икки марта чоп этила бошланди.

– Самарқандда хизмат қилаётган хоразмлик, Хоразм вилоятида аскарлик бурчини ўтаётган самарқандлик йигитлар ва уларнинг ота-оналари иштирокида видеомулоқот ўтказилди.

– вилоятнинг барча туманларида фермерлар фаолиятини мониторинг қилиш марказлари иш бошлади.

5 январь – Бюджетдан ташқари пенсия жамғармаси Нарпай туман бўлими учун янги бино қурилиб, ишга туширилди.

7 январь – Иштихон туманидаги 1-ихтисослаштирилган давлат умумтаълим мактаби ўқувчилари учун спорт зали қурилиб, фойдаланишга топширилди.

9 январь – Самарқанд шаҳридаги собиқ лифтсозлик заводи ўрнида лифт ишлаб чиқарувчи  “Samarkandeuroasialift” ва толадан эркаклар кўйлаклари ишлаб чиқарувчи «Samarkandeuroasiatextile» корхоналари иш бошлади.

– Жомбой туманидаги 11-мактабгача таълим муассасаси 293 миллион сўм маблағ эвазига капитал таъмирланди.

 – Болалар спортини ривожлантириш жамғармаси томонидан вилоятдаги спорт иншоотларида мунтазам шуғулланаётган 16015 нафар спортчи қизларга «Президент совғаси» – миллий услубда тикилган спорт кийимлари тарқатилди.

 20 январь – Паст Дарғом туманидаги «Темурбек-Суюнбек» хусусий корхонаси хориждан 22 минг долларга замонавий технология келтирди ва чиқинди қоғозларни қайта ишлаб, саккиз турдаги сифатли полиграфик маҳсулотлар тайёрлашни йўлга қўйди.

Ой давомида – Конституциямизнинг 103-моддасига киритилган ўзгартиш ва қўшимчаларга мувофиқ, вилоят, туман ва шаҳар ҳокимлари тегишли халқ депутатлари кенгашига ҳудуднинг ижтимоий-иқтисодий ривожланишининг энг муҳим ҳамда долзарб масалалари юзасидан ҳисоботлар тақдим этишди.

 ФЕВРАЛЬ

1 февраль – вилоятда чакана савдо ва пуллик хизмат кўрсатиш нуқталарига жами 14873 та тўлов терминаллари, 22 та банкомат ҳамда 121 та инфокиоск ўрнатилган. Ўтган йилнинг мос даврқига нисбатан ўрнатилган терминаллар сони 1532 тага, инфокиосклар сони 18 тага ошди.

– Нарпай туманида Кўк Ота номи билан машҳур бўлган авлиё Саид Аҳмад Насафийнинг мақбара ва масжидини таъмирлашга киришилди.

5 февраль – вилоят ҳокими З.Мирзаев Тошкент ахборот технологиялари университети Самарқанд филиали профессор-ўқитувчилари ва талабалари билан учрашди.

– Тайлоқ агротадбиркорлик касб-ҳунар коллежи ўқувчилари Рустам Раҳимов раҳбарлигида қишлоқ хўжалиги маҳсулотларини қуёш иссиқлик энергияси орқали махсус камераларда қуритиш лойиҳасини яратдилар.

9 февраль – вилоятдаги барча кўчмас мулкларни хатловдан ўтказишга киришилди.

 – Алишер Навоийнинг 575 йиллиги муносабати билан шоир номи билан аталадиган маданият ва истироҳат боғида қад ростлаган ҳайкал пойида вилоят жамоатчилиги, навоийшунос олимлар, шоир-ёзувчилар, таълим муассасалари ўқувчи-ёшлари иштирокида тадбир ўтказилди.

16 февраль – Нарпай туман тиббиёт бирлашмасига қарашли марказий шифохона капитал таъмирланиб, фойдаланишга топширилди.

23 февраль – Самарқанд шаҳрида Хитой Халқ Республикаси Синьцзян уйғур автоном райони маданият департаментининг концерт дастури намойиш этилди.

– вилоят давлат марказий ўрмон хўжалиги томонидан кўкламда экиш учун 4,3 миллион тупга яқин мевали ва манзарали кўчат тайёрланди.

25 февраль – Ургут туманининг Тўрткўл маҳалласи марказида бир минг икки юз кишилик амфитеатр, ўттиздан ортиқ савдо, маиший хизмат кўрсатиш шохобчалари ва кичик ишлаб чиқариш корхоналари қуришга киришилди.

26 февраль – вилоят ҳокимлиги ташаббуси билан иккинчи бор «Янги овозлар» кўрик-танловиўтказилди. Унда миллий мумтоз, хонандачилик ижрочилиги, якка ва созандалар ансамбллари ижрочилигиҳамда миллий эстрада йўналишлари бўйича 800 нафар иштирокчи орасидан ғолиблар аниқланди ҳамда якуний гала-концерт уюштирилди.

МАРТ

1 март – «Соғлом она ва бола йили» Давлат дастури ижроси юзасидан вилоятда «Ҳеч ким меҳр-эътибордан четда қолмасин!» шиори остида тиббий-ижтимоий акция бошланди.

– вилоятда 60 мингдан зиёд хотин-қизлар спортнинг 55 тури билан мунтазам шуғулланиши қайд этилди.

10 март – Тадбиркорлик субъектларини қўллаб-қувватлаш, улар дуч келаётган муаммоларни бартараф этиш мақсадида вилоят ҳокими тадбиркорлар билан учрашув ўтказди.

– Ёшлар марказида бўлиб ўтган бўш иш ўринлари ярмаркасида 149 корхона томонидан 3200 бўш ва квота иш ўринлари таклиф этилди. 52 нафар фуқаро ўз соҳаси бўйича ишга жойлашди.

 14 март – вилоятда чигит экиш ишлари бошланди.

16-18 март – Самарқанд шаҳридаги Олимпия захиралари тайёрлаш марказида вилоят ҳудудий саноат ярмаркаси ва кооперация биржасида вилоятдан 230 га яқин саноат корхоналари 35 турдаги янги маҳсулотлар билан иштирок этди. 86 миллиард сўмлик 1100 дан ортиқ шартнома имзоланди.

17 март – вилоятда «Ўзбек миллий кино санъати кунлари» фестивали бошланди.

19 март – Ўзбекистон Республикаси Президенти соврини учун ўтказилган анъанавий «Ташаббус-2016» кўрик-танловининг вилоят босқичида Самарқандшаҳридаги«Afrosiyobjeans»масъулиятичекланганжамиятираҳбариБаҳодирИмомов«Энгяхшитадбиркор»номинацияси,Паст Дарғом туманидаги «Чорвадор пахта, ғалла даласи» фермер хўжалиги бошлиғи Хуршиджон Жовбўриев «Энг яхши фермер», Самарқанд шаҳридан кошинкор Икром Ҳалимов «Энг яхши ҳунарманд» йўналишлари бўйича ғолиб бўлишди.

 26 март –  Тошкент ахборот технологиялари университети Самарқанд филиали жамоаси Жанубий Кореянинг NRF ташкилоти билан ҳамкорликда Самарқанд шаҳрига ташриф буюрувчи сайёҳлар учун электрон гид-мобиль иловасини ишлаб чиқди. 

АПРЕЛЬ

1 апрель –  вилоят Матбуот уйида Хитой Халқ Республикасининг Шенси провинциясидан ташриф буюрган бир гуруҳ журналистлар билан учрашув ўтказилди.

2 апрель – «Намунали милиция таянч пункти» танловининг мамлакат босқичида профилактика инспекторлари қаторида ички ишлар идоралари билан ҳамкорликда меҳнат қилаётган жамоат ташкилотлари ҳам тақдирланиб, «Энг намунали хотин-қизлар қўмитаси» номинациясига Қўшработ тумани ҳокими ўринбосари, хотин-қизлар қўмитаси раиси Ҳафиза Болибекова сазовор бўлди.

– Самарқанд давлат медицина институти қошидаги 2-сон академик лицейда ўтказилган инновацион ғоялар, технологиялар ва лойиҳалар ҳудудий ярмаркасида 30 дан ортиқ муассасанинг 150 га яқин технология ва ишланмалари намойиш қилинди.

5 апрель  – вилоят ҳокимлиги томонидан ўтказилган «Энг яхши веб-сайт» танловида вилоят ўрта махсус, касб-ҳунар таълими бошқармасининг расмий веб-сайти www.samusspo.uz, давлат статистика бошқармасининг  www.samstat.uz ва «Самарқандавтойўл» ҳудудий йўллардан фойдаланиш ташкилоти сайти www.samarkandavtoyul.uz энг яхши сайтлар учлигига кирди.

6-8 апрель – Самарқандда олтинчи марта ўтказилган «Биз буюк юрт фарзандларимиз!» ёшлар фестивалида пойтахтдан ташриф буюрган таниқли ижодкорлар, санъат ва маданият соҳаси вакиллари иштирок этишди.

7 апрель – Хитойнинг Куинан шаҳрида спортнинг бокс тури бўйича ўтказилган Осиё-Океания қўшма чемпионатида каттақўрғонлик Ёдгорой Мирзаева XXXI ёзги Олимпиада ўйинлари йўлланмасига эга бўлди.

9 апрель – Таиланднинг Паттайя шаҳрида бўлиб ўтган бадиий гимнастика бўйича халқаро мусобақада Самарқанд шаҳридаги гимнастика бўйича ихтисослаштирилган болалар ва ўсмирлар спорт мактаби тарбияланувчилари Регина Ўзбекова ҳамда Назира Асророва биринчи ўринни банд этишди.

14 апрель – Ургутдаги Жартепа маиший хизмат касб-ҳунар коллежи ҳамда Мирзабоғлон-Чеп маҳалласида ўтказилган “Сенинг меҳринг билан яшаймиз, Ватан!” шиори остидаги тадбирда ургутлик ёшлар таниқли ёзувчи-шоир, актёр, рассом ва санъаткорлар билан учрашди.

19 апрель – Тошкентда ўтказилган спортнинг ўзбек жанг санъати тури бўйича мамлакат чемпионатида вилоят вакиллари 3 олтин, 3 кумуш ва 4 бронза медалини қўлга киритиб, Италияда бўлиб ўтадиган жаҳон чемпионатига йўлланма олди.

– вилоят пиллакорларига 50 минг 700 қути ипак қурти етказиб берилди.

21 апрель – Касб-ҳунар коллежлари битирувчилари ўртасида ўтказилган «Касб маҳорати» кўргазмалари, «Энг яхши мутахассис» ҳамда «Энг яхши бизнес лойиҳа» кўрик-танловларида 1500 нафар ўқувчилар ўз маҳоратларини намойиш этишди. Уларнинг эллик нафарига кредит ажратиш тўғрисида сертификатлар топширилди, 200 нафар битирувчига ташкилотчилар томонидан диплом ва қимматбаҳо совғалар тақдим қилинди.

– Жомбой туман тиббиёт бирлашмасига қарашли кўп тармоқли  марказий поликлиникага замонавий рентген аппарати ўрнатилди.

26 апрель – вилоят ҳокимининг қарорига кўра, Самарқанд шаҳрида жамоат транспортида йўловчилар терминал орқали жетон харид қилиб, чипта ўрнида фойдалана бошлади.

30 апрель – Мўғулистон пойтахти Улан-Батор шаҳрида эркин, юнон-рум ва хотин-қизлар кураши бўйича ўтказилган жаҳон саралаш турнирида самарқандлик Мўминжон Абдуллаев бронза медалини қўлга киритиб, XXXI ёзги Олимпия ўйинларига йўлланма олди.  

МАЙ

1 май – Самарқанд шаҳридаги Амир Темур, Университет, Йўлбарслар хиёбонлари, Кўксарой майдони, Театр майдони, Шоирлар боғи, Даҳбед ва Регистон кўчалари чорраҳаси, Самарқанд темир йўл вокзали, Аэропорт маҳалла маркази, шунингдек, Пайариқ, Челак, Ургут, Нуробод, Жума шаҳарларида – «Фавворалар фестивали» ўтказилди.

5 май – Тадбиркорларнинг ҳуқуқи ва қонуний манфаатларини ишончли ҳимоя қилиш, бузилган ҳуқуқларини тиклаш ҳамда фаолият кўрсатмаётган корхоналар фаолиятини соғломлаштириш ва молиявий барқарор ишлашини таъминлаш мақсадида Самарқанд шаҳар прокуратурасида «Тадбиркорларни ҳуқуқий ҳимоя қилиш маркази» ташкил этилди.

15 май – Самарқанд шаҳрида профессионал теннисчилар уюшмаси мусобақалари тақвимидан жой олган анъанавий АТР-Challenger халқаро турнири бўлиб ўтди.

17 май – вилоят хотин-қизлар қўмитаси ҳамда «Ҳунарманд» уюшмаси вилоят бошқармаси ташаббуси билан Самарқанд шаҳрида “Атласга бурканган шаҳар” номли фестиваль ўтказилди.

24 май –«Юксак маънавиятли авлод»фестивалинингвилоят босқичи бўлиб ўтди.Унда384нафаристеъдодэгаларисаккизта йўналиш бўйича иштирок этишди.

– Тайлоқ туманида «Фарзандимга китоб совға қиламан» шиори остида хайрия марафони ўтказилди.

26-28 май – Фарғонада ўтказилган «Универсиада-2016» Республика спорт мусобақаларида вилоят жамоаси 3 олтин, 9 кумуш, 47 бронза медални қўлга киритиб, учинчи ўринни эгаллади.

– Савдо-саноат палатаси вилоят ҳудудий бошқармасида «BankExpo-2016» банк технологиялари, асбоб-ускуналари ва хизматлари миллий кўргазмаси бўлиб ўтди.

28 май – Самарқанд шаҳрида «Адабиётга эътибор – келажакка, маънавиятга эътибор» шиори остидаги «Китоб байрами» маънавий-маърифий тадбири ташкил этилди.

- Самарқанд шаҳрининг Бўстонсарой ва Амир Темур кўчалари туташган жойда «Самарқанд китоб олами» мажмуаси тантанали равишда очилди.

ИЮНЬ

1 июнь – Самарқанд шаҳрида Халқаро болаларни ҳимоя қилиш куни муносабати билан байрам тантаналари бўлиб ўтди.

  – ўқувчи-ёшларнинг таътилни мароқли ўтказишлари учун вилоятдаги 24 та оромгоҳ ўз ишини бошлади.

1-4 июнь – вилоят ўрта махсус, касб-ҳунар таълими муассасаларининг39 нафар ўқувчилариреспубликафан олимпиадасида иштирок этиб, еттита совринли ўринга сазовор бўлди.

5-16 июнь – вилоятда 1245 фуқаролар йиғинларираиси (оқсоқоли) ва уларнинг 13 073 маслаҳатчилари сайланди. Сайловда овоз бериш ҳуқуқига эга бўлган 2 миллион 300 мингдан ортиқ фуқаро номидан 95 минг 704 нафар фуқаро вакил этиб сайланди.

11 июнь – вилоятда умумтаълим мактаблари битирувчиларини таълимнинг кейинги босқичига қамраб олиш ва касб-ҳунар коллежлари битирувчиларини иш билан таъминлашга бағишланган «Ҳоким ва ёшлар» учрашуви ўтказилди.

– олий таълим муассасалари талаба-ёшларидан иборат «Бунёдкор» ёшлар меҳнат ҳаракатининг 148 та меҳнат гуруҳи ташкил этилди. Уларга 3000 нафарга яқин ёшлар жалб қилинди.

14 июнь – вилоят ҳокими З.Мирзаев Паст Дарғом туманида сайёр қабулўтказди. Ундаўттиз нафардан ортиқ фуқаро ижтимоий-иқтисодий масалалар ечими, тадбиркорлик фаолиятини йўлга қўйиш, банкдан кредит олиш, тоза ичимлик суви таъминотини яхшилаш билан боғлиқ саволларига жавоб олишди.

15 июнь – Самарқанд шаҳрида ёш оилалар учун қурилган «Камолот уйи» ўз эгаларига топширилди.

23 июнь – Шанхай Ҳамкорлик Ташкилоти Давлат раҳбарлари кенгашининг Тошкентда ўтадиган навбатдаги мажлисида иштирок этиш учун юртимизга келган Покистон Ислом Республикаси Президенти Мамнун Ҳусайн Самарқандга ташриф буюрди.

25 июнь – Самарқандда фойдаланилаётган қуёш батареялари сони мингтадан ошди.

ИЮЛЬ

1 июль – ўтган 6 ой мобайнида вилоят театрларига томошабинлар қатнови 63 минг 200 нафарни ташкил этди. 2 июль – Тайлоқ олимпия захиралари коллежи ўқувчиси Авазбек Абдужалилов Ашхобод шаҳрида ўтказилган ўсмирлар ўртасидаги самбо бўйича Осиё чемпионатида олтин медални қўлга киритди.

5 июль – "Фуқаролар йиғинларининг энг намунали диний маърифат ва маънавий-ахлоқий тарбия масалалари бўйича маслаҳатчиси" кўрик-танловининг вилоят босқичида Жомбой туманиТут маҳалла фуқаролар йиғинининг диний маърифат ва маънавий-ахлоқий тарбия масалалари бўйича маслаҳатчиси Шоира Амировағолиб бўлди.

9 июль – Самарқанд шаҳрининг Бағдод маҳалласида беш қаватли турар-жой биноси фойдаланишга топширилди.

12 июль – вилоятдағалладанбўшаган67 289гектармайдонда такрорийэкинларэкилди.

12-14 июль  – Пойтахтдаги «Ўзэкспомарказ»да ўтказилган навбатдан ташқари халқаро мева-сабзавот ярмаркасида вилоятдан 30 фермер хўжалиги ўзи етиштирган 25 турдан ортиқ картошка, полиз-сабзавот, узум ва мевалар,               20 га яқин қайта ишловчи ва 10 дан ортиқ экспортчи корхоналар 50 турдаги маҳсулотлари билан иштирок этди.

14 июль – Шахмат бўйича Болтиқбўйидаги Пеневежис шаҳрида ўтган «PanevezysOpen-2016» халқаро турнир ва Паланга шаҳридаги халқаро фестивалда самарқандлик саккиз ёшли шахматчи Акобирхон Сайдалиев олтин ва кумуш медаль соҳиби бўлди.

16 июль – Республика Президентининг 2016 йил 1 июндаги қарори асосида ташкил этилган I Халқаро мева-сабзавот ярмаркаси иштирокчиларининг бир гуруҳи Самарқандга ташриф буюрди.

19 июль – Самарқандда Хитой халқаро савдо тараққиётига кўмаклашувчи қўмита иштирокида бизнес-форум ва кооперацион биржа ўтказилди.

20 июль – вилоятдаги олий таълим муассасаларига кириш учун бу йил 60 минг нафар йигит-қизлар ҳужжат топширгани эълон қилинди.

21 июль – Франция Ташқи ишлар ва халқаро ривожланиш вазирлигининг ташқи савдо, сайёҳликни ривожлантириш ва хориждаги француз фуқаролари масалалари бўйича давлат котиби Матиас Фекль бошчилигидаги делегация Самарқанд шаҳрига ташриф буюрди.

23 июль – вилоятда «Гўзал ва бетакроримсан, муқаддас Ватаним, жоним сенга фидо, Ўзбекистоним!» шиори остида маданий-маърифий тадбирлар ўтказилди.

27 июль –  вилоятда фуқаролар йиғинлари раислари (оқсоқоллари) ва уларнинг маслаҳатчилари сайловининг якунлари тўғрисида халқ депутатлари Самарқанд вилоят Кенгашининг қарори эълон қилинди.


28 июль –Ургут туманида меҳнат ярмаркаси ташкил этилиб, унда 246 та бўш иш ўринлари таклиф этилди ва 45 фуқаро ўзига муносиб иш ўринларига эга бўлди.

30 июль – «JV MAN AUTO UZBEKISTAN» қўшма корхонасида оғир юк кўтарувчи «MAN» транспорт воситалари учун кабиналар ишлаб чиқаришни маҳаллийлаштириш ва янги технологияларини жорий этишга киришилди.

АВГУСТ

1 август – Грузия Республикасининг Тбилиси шаҳрида кимё фани бўйича ўтказилган 48-жаҳон олимпиадасида Самарқанд давлат медицина институти қошидаги 1-сон академик лицей 3-босқич ўқувчиси Жаҳонгир Фахриев бронза медалига сазовор бўлди.

– вилоятнинг Нуробод ва Каттақўрғон радиоузатиш станцияларида Германиядан келтирилган замонавий телеузаткичлар ишга туширилди.

2 август – вилоят ҳокими З.Мирзаев Жомбой туманида сайёр қабул ўтказди.

4 август – Тайлоқ туманидаги Чўбот маҳалласида замонавий маҳалла маркази ва 15 та ижтимоий соҳа, савдо ва хизмат кўрсатиш объектлари фойдаланишга топширилди.

6 август – Нарпай туман «Баркамол авлод» болалар ижодиёт маркази ходими Бўритош Аслиддинова таълим соҳасидаги тадқиқотлари учун AntiquiWorld халқаро Фанлар академиясининг профессори унвонига сазовор бўлди.

9 август – Турдиев Маматжон Мукумовични Ургут тумани ҳокими этиб тайинлаш тўғрисида вилоят ҳокимининг қарори эълон қилинди.

10 август – вилоятдаги буюм ва озиқ-овқат бозорлари, йирик савдо комплекслари ҳамда фуқаролар йиғинларида «Мактаб бозорлари ва ярмаркалари» ташкил этилди.

11 август – «Соғлом она ва бола йили» Давлат дастури доирасида 11 июлда бошланган патронаж ойлигида 70 минг нафардан кўпроқ аҳолига патронаж хизмати кўрсатилди.

13 август – Тайлоқ туманида 20 турдаги юқори сифатли йўлакбоп плиталар ҳамда 15 турдаги ванналар ишлаб чиқариш йўлга қуйилди.

18 август – «Энг намунали фуқароларнинг ўзини ўзи бошқариш органлари» кўрик-танловининг республика босқичида Пайариқ туманидаги Мустақиллик маҳалла фуқаролар йиғини иккинчи ўринга сазовор бўлди.

– Самарқанд шаҳар халқ таълими муассасалари фаолиятини методик таъминлаш ва ташкил этиш бўлими республикадаги 194 та туман шаҳарлардаги бўлимлар таҳлили натижаларига кўра учинчи ўринга муносиб кўрилди.

20 август – Ўзбекистон Ёзувчилар уюшмаси томонидан Мустақиллигимизнинг 25 йиллигига бағишланган «Ватанни мадҳ этиш бахти» танловида Ўзбекистонда хизмат кўрсатган маданият ходими, шоира Хосият Бобомуродова «Ватан десам», «Ватан ягонадир» китоблари учун учинчи ўринни эгаллади.

– Жомбойда йилига 500 тонна қишлоқ хўжалик маҳсулотларини қайта ишлашга мўлжалланган корхона ташкил этилди.

25 август – Ватанимизмустақиллигининг 25 йиллигиарафасида Самарқанд шаҳридагидеҳқонбозорларида қишлоқ хўжалиги маҳсулотларисавдоярмаркалариташкил этилиб, фермерларга савдо қилиш учун шароит яратилди.

25-31 август – Ватанимиз мустақиллиги вилоятнинг барча туман шаҳарларида  «Гўзал ва бетакроримсан, муқаддас Ватаним, жоним сенга фидо, Ўзбекистоним!» шиори остида кенг нишонланди. “Мўъжиза” амфитеатрида асосий байрам тантаналари бўлиб ўтди.

– Мустақилликнинг 25 йиллиги куни Фарҳод шаҳарчасида янги қурилган «Зарафшон» истироҳат боғи фойдаланишга топширилди.

СЕНТЯБРЬ

3 сентябрь – Буюк давлат ва сиёсат арбоби, Ўзбекистон Республикасининг Биринчи Президенти Ислом Абдуғаниевич Каримов вафот этди. Ўзбекистон Республикасида уч кунлик мотам эълон қилинди.

– вилоятдаги таълим масканларида янги ўқув йили Ўзбекистон Республикасининг Биринчи Президенти Ислом Каримов хотирасини ёд этиш билан бошланди.

6 сентябрь – Оқдарё туман тиббиёт бирлашмасига қарашли кўп тармоқли марказий поликлиника ҳамда юқумли касалликлар шифохонаси, Самарқанд шаҳрида эса 6-сон оилавий поликлиниканинг янги бинолари фойдаланишга топширилди. 

12 сентябрь – Қозоғистон Республикаси Президенти Нурсултон Назарбоев Ўзбекистон Республикасининг Биринчи Президенти Ислом Каримов хотирасига ҳурмат бажо келтириш мақсадида Самарқанд шаҳрига ташриф буюрди. 

15 сентябрь– Ургут туманидаги «Темирчи» хусусий корхонасида қаттиқ металларни кесадиган электр арра (болгарка) ишлаб чиқариш йўлга қўйилди.

– вилоятда етиштирилган пахта ҳосилини йиғиб-териб олишга киришилди.

ОКТЯБРЬ

1 октябрь – Самарқанд эшкакэшишканалида ўтказилган байдаркаваканоэдаэшкакэшишбўйичаОсиёочиқкубоги ва параканоэбўйича Осиё чемпионатимусобақаларида терма жамоамиз ғалаба қозонди.

– Жанубий Кореянинг ИнХа университети госпиталининг аҳолини тиббий кўрикдан ўтказиш мақсадида ташриф буюрган делегацияси Самарқандда бўлди.

4 октябрь – Бразилиянинг Рио-де-Жанейро шаҳрида ўтказилган XXXI ёзги Олимпиада ҳамда XVПаралимпиаўйинларида Ургут туманининг Ўроқбойжар маҳалласида туғилиб ўсган Ўткиржон Нигматов дзюдо бўйича 66 килограмм вазн тоифасида барча рақибларини енгиб, олимпиа чемпиони, деган шарафга муяссар бўлди.

5 октябрь – Ўзбекистон Республикаси Президенти вазифасини бажарувчи Шавкат Мирзиёев Самарқанд вилоятида бўлиб ижтимоий-иқтисодий ислоҳотларнинг бориши билан танишди. 

6 октябрь –Беларусь Республикаси Президенти Александр Лукашенко Ўзбекистон Республикасининг Биринчи Президенти Ислом Каримов хотирасига ҳурмат бажо келтириш мақсадида  Самарқанд шаҳрига ташриф буюрди. 

8 октябрь – Самарқанд шаҳрида Ўзбекистон Республикаси Меҳнат вазирлиги ва Жанубий Корея Халқаро ҳамкорлик агентлиги (KOICA) ҳамкорлигида ташкил этилган касб-ҳунарга ўқитиш маркази иш бошлади. 

15 октябрь – Ўзбекистон Республикаси Президенти сайловини ўтказувчи 7-Самарқанд округ сайлов комиссиясининг мажлисида 1031 та участка сайлов комиссиялари таркиби тасдиқланди.

– вилоят бўйича дастлабки 225 гектар ерга тўқсонбости усулида экинлар қадалди.

18 октябрь– Самарқандда «Темир йўл вокзали – Сартепа массиви» оралиғида трамвай йўли қурилиши бошланди.

19 октябрь – Ислом ҳамкорлик ташкилоти Ташқи ишлар вазирлари кенгашининг Тошкентда ўтказилган 43-сессияси иштирокчилариСамарқанд шаҳрига ташрифбуюрди.

– юртимизда давом этаётган Корея Республикаси фестивали доирасида Самарқанд шаҳрида Жанубий Корея кино санъати фестивали бошланди.

22 октябрь– Ўзбекистон–АҚШ ўртасида икки томонлама музокаралар ўтказиш мақсадида мамлакатимизга ташриф буюрган Америка Қўшма Штатлар Давлат котибининг сиёсий масалалар бўйича ўринбосари Томас Шэннон Самарқанд шаҳрида бўлди.

28-29 октябрь – Самарқанд шаҳрида вилоят ҳудудий мева-сабзавот ярмаркаси бўлиб ўтди.

29 октябрь – Самарқанд шаҳрида йўловчи ташиш билан шуғулланадиган автобус жамланмаси 21 тага, йўналишсиз такси корхоналари 46 тага етди.

31 октябрь – мамлакатимизда меҳмон бўлиб турган Ҳиндистон Республикаси Ташқи ишлар давлат вазири Мубашир Жавед Акбар  Самарқанд шаҳрига ташриф буюриб, Ўзбекистон Республикасининг Биринчи Президенти Ислом Каримов қабрини зиёрат қилди.

НОЯБРЬ

 1 ноябрь – вилоят ҳокими З.Мирзаев Ургут туманида сайёр қабул ўтказиб, мутасаддиларга фуқаролардан ижтимоий-иқтисодий ҳаётнинг турли соҳалари бўйича тушган ўттизга яқин масалалар ечимини ҳал қилиш тўғрисида топшириқлар берди.

4 ноябрь – вилоят ҳокими З.Мирзаев Садуллаев Баҳодир Сафиюлаевични Каттақўрғон шаҳар ҳокими ҳамда Усаров Пирматбой Турановични Оқдарё тумани ҳокими этиб тайинлаш тўғрисида қарор қабул қилди.

5 ноябрь – Самарқанд қишлоқ хўжалик институтида “Марказий Осиёда минтақавий ва халқаро ҳамкорликни ривожлантириш: қишлоқ хўжалик маҳсулотлари савдосидаги долзарб масалалар” мавзусида 30 га яқин мамлакат олимлари иштирокида халқаро конференция бўлиб ўтди.

8 ноябрь – Ўзбекистон Республикаси Президентлигига номзод Шавкат Мирзиёев Самарқанд вилояти сайловчилари билан учрашди.

10 ноябрь – Самарқанд шаҳрида Ўзбекистон Маданият ва спорт ишлари вазирлиги ташаббуси билан «Олтин куз» халқаро санъат фестивали бўлиб ўтди.

12 ноябрь – Хитой Халқ Республикаси ташқи ишлар вазири Ван И Самарқандга келди.

– Самарқанд шаҳрида Польша ишбилармонларининг бизнес форуми бўлиб ўтди.

17 ноябрь – Туркия Республикаси Президенти Режеб Таййиб Эрдўғон Самарқанд шаҳрига ташриф буюрди.

26 ноябрь – халқдепутатларивилоятКенгашинингйигирматўққизинчисессиясибўлибўтди. Унда вилоят маҳаллий бюджети ижросини, аҳоли бандлигини таъминлаш, куз-қиш мавсумига тайёргарлик масалалари кўриб чиқилди.

ДЕКАБРЬ

1 декабрь  – «Самарқандтранс» маркази томонидан корхона тасарруфидаги 733 та автобус, 136 та “Дамас” русумли транспорт воситаси ва 70 та микроавтобус Ўзбекистон Республикаси Президенти сайлови ўтказиладиган кун вилоятдаги сайловчиларга бепул хизмат кўрсатиш ташаббуси билан чиқди.

2 декабрь – Каттақўрғон шаҳрининг «Каттақўрғон тонги» газетаси таҳририяти янги бинога қўчди.

4 декабрь – Ўзбекистон Республикаси Президенти сайловида Самарқанд вилоятидан 1 миллион 968 минг 395 нафар сайловчи иштирок этди. Сиёсий партияларнинг 4100 нафар кузатувчиси,  120 нафар маҳаллий ва чет эл оммавий ахборот воситалари ходимлари ҳамда 100 нафардан ортиқ халқаро ва хорижий кузатувчилар сайловнинг демократия талабларига мос ҳамда юқори савияда ўтганини эътироф этишди.

6 декабрь – вилоятда чарм-пойабзал маҳсулотлари ишлаб чиқаришга ихтисослашган корхоналар сони 43 тага етди.

10 декабрь – Жомбой туманида асосий турдаги қишлоқ хўжалик маҳсулотларини захирага жамғариш ниҳоясига етди. Туманда 2013 тонна маҳсулот ғамлаб қўйилди.

11 Декабрь – Ургут туманининг Равот маҳалласи яқинидаги тепаликдан VI-VII асрларга тааллуқли пахса девор, усти хом ғиштдан меҳроб шаклида ясалган бир нечта йўналишдаги йўлаклар топилди.

13 декабрь – Ургут туман прокуратураси учун янги бино фойдаланишга топширилди.

17 декабрь – Каттақўрғон тумани сутни қайта ишлашга мўлжалланган корхона ишга туширилди.



Охирги ўзгариш: 15/03/2017 11:51 Кўрилганлиги: 5992
 
Қидириш
Жами мурожаатлар: 1400 (100%)
Кўриб чиқилган: 1169 (84%)
Кўриб чиқилмоқда: 231 (17%)
 
Вилоят ҳокимлигининг умумий бўлими
 
 
 
mail@samarkand.uz
 
 
Электрон давлат хизматлари

Электрон давлат хизматлари
Очиқ маълумотлар
Онлайн тизимлар




 
 
 

    Сайтга баҳо беринг

Ҳозир онлайн
Руйхатдан утганлар: 1
Мехмонлар: 4
 
Яндекс.Метрика
Белгиланган матнни укиш учун ушбу тугмани босинг